Ушбу Сиёсат Оммаий оферта ва Комиссия шартномасининг бир қисми ҳисобланади. Улардан бирини қабул қилган ҳолда (офертани акцепт қилиш орқали), Сиз ўз шахсий маълумотларингизни қайта ишлашга ҳамда ушбу махфийлик сиёсатда (кейинги ўринларда — «Сиёсат») кўрсатилган шартларда уларни трансчегаравий узатишга розилик билдирасиз. “U-Win Market” масъулияти чекланган жамияти ушбу Сиёсатга мувофиқ шахсий маълумотлар базасининг операторы ва эгаси ҳисобланади.

Мазкур Сиёсат “U-Win Market” МЧЖ (кейинги ўринларда — «Gobozor») томонидан шахсий маълумотларни қайта ишлаш бўйича ишлаб чиқилган ва тасдиқланган бўлиб, 2019-йил 2-июлдаги Ўзбекистон Республикасининг 547-сонли «Шахсга доир маълумотлар тўғрисида»ги Қонунининг 18- ва 19-моддаларига (кейинги ўринларда — «Шахсий маълумотлар тўғрисида»ги Қонун) ҳамда Ўзбекистон Республикасининг амалдаги қонунчилигига мувофиқ ишлаб чиқилган. Сиёсатнинг мақсади — шахсий маълумотлар билан ишлашда инсон ва фуқаронинг ҳуқуқ ҳамда эркинликларини ҳимоя қилиш, фойдаланувчилардан олинган махфий маълумотларнинг хавфсизлиги ва бутлигини таъминлаш, шу жумладан шахсий ҳаёт дахлсизлиги, шахсий ва оилавий сир ҳуқуқларини ҳимоя қилишдир.

Gobozorda рўйхатдан ўтаётган ёки сайтда бўлаётган харидор, сотувчи ва/ёки ташриф буюрувчи Сиёсат шартларига ҳамда унда белгиланган шахсий маълумотларни қайта ишлаш қоидаларига тўлиқ ва шартсиз розилигини билдиради.
Шахсий маълумотлар деганда, ушбу Сиёсат доирасида, электрон, қоғоз ва/ёки бошқа моддий ташувчида қайд этилган, аниқ жисмоний шахсга тааллуқли ёки уни идентификация қилиш имконини берувчи ҳар қандай маълумот тушунилади.

Шахсий маълумотларни қайта ишлаш деганда, йиғиш, тизимлаштириш, сақлаш, ўзгартириш, тўлдириш, фойдаланиш, тақдим этиш, тарқатиш, узатиш, шахсийлаштирилмаган ҳолга келтириш ва йўқ қилиш каби ҳар қандай ҳаракат (амаллар) ёки уларнинг йиғиндиси тушунилади.

Шахсий маълумотларнинг трансчегаравий узатилиши деганда, уларнинг эгаси ва/ёки операторы томонидан Ўзбекистон Республикаси ҳудудидан ташқарига узатилиши тушунилади.
Мазкур Сиёсатда трансчегаравий узатиш қоидалари ҳам назарда тутилган. Бундай узатиш фақат шахсий маълумотлар субъектлари ҳуқуқларини етарлича ҳимоя қилувчи хорижий давлатлар ҳудудига амалга оширилади.

МАХФИЙЛИК СИЁСАТИ